EntroPay ke zariye jama aur pratyahar

Online casino aur dyut websites par jama aur pratyahar karne ke liye EntroPay ek lokpriya tareeka hai. Adhikaansh bhartiya hitaishi UK sattebaaj EntroPay ka sweekar karte hain. EntroPay ek e – wallet ki tarah hi kaam karta hai aur Skrill aur PayPal se milta julta hai lekin iska ek anutha fayda yeh hai ki EntroPay khate mein sangrahit ki gayi dhan raashi ko aap koi bhi online kharidari ke liye kharch kar sakte hai jaha par vyaapari Visa card sweekar karte ho aur Virtual Visa card pehlu ise mumkin banata hai.

EntroPay hamari jama karane ka pasandida tareeka nahi hai kyunki dusre e – wallets kit ulna mein yeh jyada shulk lagate hai. Yeh bilkul ek bharosemand tareeka hai aur agar aap koi behtar vikalp chahte ho toh hum aapko Neteller ya Skrill ka sujhav denge.

EntroPay kaise kaam karta hai

EntroPay ka upyog karne ke liye pehle toh aapko us par khata kholna rehta hai. Iske liye aapko www.entropay.com par jaana hai aur ‘sign up’ par click karna hai. Panjikaran form bhar dijiye jisme aapko aapka user name, password, surksha prashn, khate ki mudra aur anya niji jaankari ka byowra dena hai. Aapko shayad yeh sawaal hoga ki “Mujhe kaun si mudra pasand karni chahiye?” Aapke paas uske liye USD, EUR aur GBP ke vikalp hai. Agar aap jyadatar inme se koi mudra mein karobar karte ho usi mudra ka chayan karna behtar rahega. Adhikaansh kisso mein main GBP ka chayan karne ka sujhav deta hoon lekin waise aap inme se koi bhi mudra pasand kar sakte hai.

Dhan raashi jama karna

EntroPay khate mein jama karane ka prathmik tareek hai Visa logo wala debit card. Adheekansh bhartiya bank yeh suvidha pradan karti hai, agar aapka koi bhi bhartiya bank mein bachat khata hai aur agar aapke paas Visa debit card nahi hai toh aap apni bank ka sampark karke jaankaari le sakte hai. Samanya shulk ke saath aapka bank aapko yeh suvidha pradan karega. SBI (State Bank of India) aur Citibank isme apvaadroop hai kyunki yeh banks keval Maestro card jaari karte hai. Aesa maan lete hai ki aapke paas Visa debit card hai, abhi aapko aapka card “Verified by Visa” ke liye panjibaddh karana padega.

Jab aap EntroPay par pehli baar jama karaye tab agar aapka account ‘Verified by Visa’ ke saath panjibaddh nahi hai toh aap panjikaran kaise karaye ke baare mein “optional” nirdesh dekh payenge. Unki website par yeh baat saaf tarike se samjhayi nahi gayi. Bhartiyon ke liye us par koi vikalp hi nahi hai. Agar aap ‘Verified by Visa’ ke saath bina panjibaddh huye len den ki koshish karenge toh use aswekrit kar diya jayega. Agar aap ek arse pehle panjibaddh toh karwa chuke hai lekin aap password bhul gaye hai ya agar aapko panjibaddha hone ke liye koi nirdesh na dikhe toh aap Google par ja ke aapke bank ke naam ke saath ‘Verified by Visa’ likh ke search kare. Ek baar aese hi search karte huye mujhe meri ICICI bank ke liye yeh suchna mili thi.

Halanki maine iss vishay mein yaha 2 annuchhed likh diye hai, aapko ghabrane ki aavashyakta bilkul nahi hai. Adhikaansh kisso mein Visa debit card dwara online jama karana bahot hi saral prakriya hai. Agar aapke paas Visa Debit card nahi hai aur aap bank se card le bhi nahi sakte toh aap taar antaran ke dwara bhi raashi jama kara sakte hai. Halanki issme shulk jyada lagega aur yeh prakriya thodi pratikul bhi hai kyunki aapko iske liye bank roobaroo jana padega aur taar antaran shulk bhi dena hoga.

Dyut websites par jama karana

Ek baar aapke khate mein dhan raashi aa jati hai phir usse online dyut websites par jama karana kaafi aasaan hai. Aapko sirf cashier vikalp mein jakar deposit vikalp ke niche “EntroPay” par click karna hai. Uske baad aapko EntroPay Virtual Visa Number bharna hoga aur uska CVV tatha samapti tarikh bhi daalni padegi. Aapko jo raashi jama karani hai woh rakam bhi daalni hogi. Agar aapke paas card number nahi hai toh aap EntroPay website par upar menu mein “EntroPay Cards” par click kar ke aapka card number jaan sakte hai.

EntroPay ke saath cash out karna

Adhikaansh dyut websites unhi upbhoktaon ko bhugtaan jaari karegi jinhone pehle EntroPay dwara raashi jama karayi ho. Agar aapne jama karaya hai toh aap pratyahar bhi kar sakte aur iska tareeka bilkul jama karne ke tarike jaisa hi hai jo maine upar nirdeshit kiya hai.

EntroPay mein se dhan raashi ko nikalana

Online sattebaaj ke wahan se cash out karne ke baad aap us dhan raashi ko aapke niji bank khate mein daal sakte hai. Iske liye aapko unki website par login karna hai aur phir “EntroPay Card” tab par click karke jis EntroPay Card se aap dhan raashi antaran karna chahte ho uska chayan kijiye. Phir “Transfer Funds” par click kijiye, pratyahar ki jaane wali rakam daaliye aur ‘New Bank Account” click kijiye. Aapke bank account ki details bhar ke ‘Next’ par click kijiye.

Tippani: Iske vikalp ke roop mein EntroPay Virtual Visa ki badaulat aap yeh dhan raashi Visa card sweekar karne wale koi bhi vyapari ki website par online kharch kar sakte hai.

EntroPay ke baare mein shikayatein, dikkatein aur chetawani

EntroPay Account Frozen:

Suraksha kaarno ki wajah se kabhi aapko EntroPay ki taraf se e-mail dwara suchit kiya jaa sakta hai ki aapka EntroPay khata asthayi roop se pratibaddhit kar diya gaya hai. Isse duur karne ke liye aapko EntroPay ko niche di gayi jaankari deni hogi:

1. Aapke Passport ki saaf pratilipi, Drivers Licence ya pehchan patra (dono sides)
2. Aapke khate par panjibaddh kiye gaye funding stroton ki dono sides ki pratilipi
3. Haal hi mein aaya hua aapke utility bill ki pratilipi jis par aapka naam aur pata saaf dikhyi deta ho.
4. Jo vyapari ko aap bhugtaan karna chahte ho uska naam.

Item kramank #1 aur #2 bahot saral hai. Aapko kaagjhaat ko scan karna hai aur aap Photoshop ki sahayta se credit card par se 7th aur 8th ank hata sakte hai. EntroPay ise sweekar karta hai.
Utility bill ke taur par aap television company , internet company ka bill, bijli ka bill ya paani ka bill de sakte hai. Is bill ke upar aapka naam hona aawashyak hai. Agar us par aapka naam nahi hai to aapko woh badalna hoga. Agar aap online dyut websites par shart khelna chahte hai toh aapke naam ka kam se kam ek utility bill toh hona hi chahiye kyunki pramanit karne ki prakriya mein yeh ek samanya jaankaari hai jo dyut websites aapko puchh sakti hai.

#4 mudde ke liye aapko jyada chinta karne ki zaroorat nahi hai. Main hamesha dekhta hoon ki yeh sawal Asian Bookie par aksar puchha jata hai ki dyut website ka naam likhne se koi dikkat ho sakti hai? Aapko unse kuch chhipane ki zaroorat nahi hai. Bhartiya log dyut sites ke liye EntroPay ki suvidha ka upyog kare toh unko isse koi aapatti nahi hai.

Aam taur par yeh jaankaari bhejne ke kuch hi ghanto baad aapke account se asthayi pratibaddh hata diya jaata hai. Yeh ek samanay pramanikaran prakriya hai aur iske baare me chintit hone ki aavashyakta nahi hai.

Bahot hi jyada shulk:
EntroPay ke baare mein sabse jyada hoti shikayaton mein uske unche shulk sabse jyada hai. Aapke account mein raashi jama karane par aapko 4.95% shulk dena padta hai aur aapke EntroPay account se aapke bank account mein raashi antaran karne par aapko 1.95% shulk lagta hai. Yeh shulk dusre e – wallets kit ulna mein kahin jyada hai.

Agar aap yeh shulk bachana chahte hai toh main aapko jama aur pratyahar karne ke liye aagrahpurvak Skrill ya NETELLER ka upyog karne ka sujhav deta hoon. Yeh dono e – wallets par aap Indian Rupee ke saath khata khol sakte hai. Iske alawa aap www.bet365.com par bhi bohot jyada shulk bacha sakte hai.

EntroPay FAQ:

Kya mujhe EntroPay Plastic Visa Card mil sakta hai?

Reserve Bank of India dwara kanoon aur niyaman mein kiye gaye badlav ke kaaran bhartiyon ke lilye ab yeh mumkin nahi hai.

Yeh unhi niyaman ki wajah se hua hai jiski wajah se bhartiyon ke liye PayPal ka istemal bhi mushkil ho gaya hai aur Neteller ne bhi Neteller Plus Cards jaari karna bandh kar diya hai. Acchi khabar yeh hai ki bhartiya abhi bhi Virtual Visa Card ka istemal kar sakte hai aur ise banking vikalp ke taur par online dyut websites par jama aur pratyahar karne ke liye upyog kar sakte hai.

Kya EntroPay kanooni hai? Kya yeh vishwasniya aur surakshit hai?

Yeh sabse jyada puchhe jana wala sawaal hai. Hamari raay mein EntroPay ek bohot hi pratishthit brand hai. Woh 2000 se iss karobar mein hai aur EntroPay service 2003 se yeh sewayein uplabdh karata raha hai. Woh Visa ke saath aur UK ke Financial Services Authority (FSA) ke saath bhi jude huye hai. Inki suraksha pranali sarvottam darje ki hai.

EntroPay se kahan par jama kara sakte hai

Hamara sujhav hai  www.bet365.com, aur www.williamhill.com.

Update 13th October 2011: Ab jo log apni pratham deposit EntroPay se karte hai unka shulk Betfair wapis kar raha hai. Aapko 1.5% Betfair credit card fee aur 4.9% EntroPay load fee 30 dino ke bhitar refund kar di jaati hai. Main keh nahi sakta ki yeh offer kab tak lagu rahegi aur Betfair khud iska prachar zorshor se nahi kar rahe hai lekin adhikaansh sattebaajo ne forums par iss update ki pushti ki hai.